بەڕێوەبەرایەتیی کارەبای سلێمانی لەبارەی پچڕانی تەزووی کارەباوە هاوڵاتییانی گەڕەکەکانی قولەرەیسی و راپەڕین ئاگادار دەکاتەوە.
لە راگەیەندراوێکی بەڕێوەبەرایەتیی گشتیی کارەبای سلێمانیدا هاتووە، “ئاگاداری دانیشتووانی گەڕەکەکانی راپەڕین و قولەرەیسی دەکەینەوە کە دەکەونە سەر فیدەرەکانی 330 و 331 و 332 و 333 و 334 بەهۆی تەقینی کێبڵێک لە ویستگەی گۆڕینی کارەبای هەڵگورد کارەبایان بڕاوە.
ئاشکراشیکرد، “تیمەکانی چاکسازیی وێستگەکان و هێڵەکانی بەڕێوەبەرایەتیی گواستنەوەی کارەبای سلێمانی سەرقاڵی چارەسەرکردنی کێشەکەن”.
