باڵیۆزخانەی عێراق لە لیبیا ئاشکرایکرد، بە هەماهەنگی لەگەڵ حکومەتی هەرێم و وەزارەتی دەرەوەی عێراق، 60 کۆچبەر لە لیبیاوە دەگەڕێننەوە، کە ویستویانەوە لە رێگەی خاکی ئەو وڵاتەوە خۆیان بگەیەننە ئەوروپا.
ئەحمەد سەحاف، کاربەڕێکەری باڵیۆزی عێراق لە لیبیا بە ئاژانسی هەواڵی عێراقی راگەیاند، “تواندراوە چارەنووسی 60 کۆچبەری عێراقی ئاشکرابکەن، کە نزیکەی مانگێک لەمەوبەر بەشێوازێکی نایاسایی چوونەتە خاکی لیبیاوە”.
ئاماژەی بەوەشکرد، “ئەو کۆچبەرانە لە یەکێک لە ناوچەکانی رۆژئاوای لیبیا دۆزراونەتەوە، بەشێکیان تازەلاو بوون و رووبەڕووی مەترسی گەورە بوونەتەوە”.
