ئەنجومەنی دەوڵەت بڕیاریدا کە پێویستە کۆی داهاتەکان بگەڕێتەوە بۆ حکومەتی فیدراڵی، پاشان بەپێی یاسای کارگێڕی دارایی و بەپێی رێژەی دیاریکراو بەشی هەرێمەکان دەدرێت.
بەپێی زانیارییەکانی سەرچاوەیەک، لە بڕیارەکەی ئەنجومەنی دەوڵەت هاتووە کە پێویستە حکومەتی هەرێم رسومات و باجە فیدراڵییەکان بگەڕێنێتەوە بۆ حکومەتی فیدراڵی.
باسی لەوەشکرد ئەنجومەنی دەوڵەت لە بڕیارەکەیدا جەختی کردووەتەوە، پێبژاردنەکان، کرێی فرۆشتن و بەکرێدانی موڵکەکانی دەوڵەت سەرجەمیان دەگەڕێتەوە بۆ حکومەتی فیدراڵی.
