هەڵمەتی سەوزکردنی شاخی گۆیژەی سلێمانی بەردەوامی هەیە و کێشەی گەیاندنی ئاو بە نەمامەکانیش چارەسەرکراوە، ئەمڕۆ بەشێکی زۆر لەو شوێنانەی نەمامیان تێدا رووێنراوە دوای تەواوکردنی کارەکانی رادەستی دارستان و پاوانی سلێمانی کرا.
قائیمقامیەتی سلێمانی رایگەیاند، سەوزکردنی چیای ئەزمەڕ و گۆیژەی سلێمانی کە بەهۆی کەوتنەوەی چەند ئاگرێکەوە بەشێک لە درەختەکانی سووتان، لەلایەن چەند کۆمپانیایەکی ناوخۆییەوە ئەنجامدەدرێت و قائیمقامیەتی سلێمانی و چاودێری و بازرگانیی سلێمانی سەرپەرشتی دەکات.
بەپێی قائیمقامیەتی سلێمانی، هەڵمەتەکە لە کۆتایی ساڵی رابردووەوە دەستیپێکردووە و تا ئێستا بەردەوامە، خزمەتگوزاریی ئاودانی نەمامەکانیش بە چەند قۆناغێک لە قەڵاچوالانەوە گەیەندراوەتە سەر شاخەکە.
قائیمقامیەتی سلێمانی داوا لە هاوڵاتییان دەکات لەکاتی سەردانکردنی شاخی ئەزمەڕ و گۆیژە، نەمام و درەختەکان بپارێزن و نهبنههۆی كهوتنهوهی ئاگر، لهلایهكیترەوە داوای له كۆمپانیا و سهرمایهدارهكان كرد بهشداربن له سهوزكردنی چیای گۆیژهدا.
