وەزیری دەرەوەی ئەمریكا: لەڕووی ئابورییەوە هاوكاریی عێراق دەكەین

لە پەیوەندییەكی تەلەفۆنیدا لەگەڵ لەگەڵ فوئاد حسێن، وەزیری دەرەوەی عێراق، ئەنتۆنی بلینکن، وەزیری دەرەوەی ئەمریکا پشتیوانیی واشنتن-ی بۆ بەغداد دەربڕی.

بەگوێرەی ڕاگەیەندراوی وەزارەتی دەرەوەی ئەمریکا، وەزیرانی دەرەوەی هەردوو وڵات، ڕێككەوتنی ستراتیژیی نێوان بەغداد و واشنتن-یان تاووتوێكردووە.

وەزیری دەرەوەی ئەمریکا، پشتیوانیی وڵاتەكەی بۆ عێراق لەڕووی ئابورییەوە دەربڕیوە جەختیكردووەتەوە لە بەهێزکردنی پەیوەندییە بازرگانییەکانی نێوان عێراق و ئەمریكا.

ئاماژە بۆ ئەوەش كراوە كە بلینكن سەرەخۆشی لە گەلی عێراق كردووە بەهۆی دوو تەقینەوەكەی هەفتەی رابردووی باب شەرجی لە بەغداد و پشتیوانیی ئەمریكای بۆ عێراق لە شەڕی دژ بە تیرۆر دووپاتكردووەتەوە.

وەك وەزارەتی دەرەوەی ئەمریکا ئاشكرایكردووە، وەزیری دەرەوەی ئەو وڵاتە لەڕێگەی فوئاد حسێن-ـەوە داوای لە حکومەتی عێراق کردووە داواکارییەکانی گەل بەجێبهێنێت لەپێناو بنیاتنانی وڵاتێکی یەكسانتر و دادپەروەرانەتر.

بابەتی پێشتر

نەتەوەیەكگرتووەكان: پشتیوانیی هەڵبژاردنەكەی عێراق دەكەین

بابەتی دواتر

کونسوڵی فەرەنسا لە هەولێر پاڵپشتی وڵاتەکەی بۆ پێشمەرگە دووپاتدەکاتەوە

بابەتی پەیوەندیدار
زیاتر ببینە

ناوچەی سەوز داخرا

ناوچەی سەوز لەبەغداد لەلایەن لیوای تایبەتی ئەنجومەنی وەزیرانەوە داخرا. بەپێی هەواڵی میدیا عێراقییەكان، بەیانی ئەمڕۆ لیوای تایبەتی پاراستنی…
Total
14
Share