ماوەی چەند رۆژێكە هاوردەكردنی تەماتە قەدەغەكراوە و ئەوەش بووەتەهۆی بەرزبوونەوەی نرخەكەی لە بەشێك لە شارەكانی عێراق.
بڕیاری قەدەغەكردنی هاوردەكردنی تەماتە لەلایەن وەزارەتی كشتوكاڵەوە دراوە و وەزارەتەكە دەڵێت، لە پێناو برەودانە بە بەرهەمی خۆماڵی و هاوكاریكردنی جوتیاران.
بەپێی لێدوانی كاربەدەستانی وەزارەتی كشتوكاڵی عێراق، ئێستا بەرهەمی تەماتەی خۆماڵی گەیشتووەتە ئاستی خۆژێنی و بەشی پڕكردنەوەی پێداویستیی ناوخۆ دەكات، بۆیە داوایان لە ئەنجومەنی ئابوریی وەزاری كردووە هاوردەكردنی تەماتە لەم وەرزەدا قەدەغەبكات.
