لە فڕۆکەخانەی نێودەوڵەتیی بەغداد گەشتیارێک دەستگیرکرا کە 67 فیزا کارتی نێودەوڵەتیی پێبووە، ڤیزاکارتەکان بە مەبەستی بەقاچاغبردن ئامادەکرابوون.
دەستەی دەروازە سنوورییەکانی عێراق رایگەیاندووە، بەڕێوەبەرایەتیی فڕۆکەخانەی نێودەوڵەتیی بەغداد توانیویانە گەشتیارێکی عێراقی دەستگیربکەن و لەکاتی دەستگیرکردنیدا دەستگیراوە بەسەر 67 ڤیزا کارتی نێودەوڵەتیدا.
ئاماژە بەوەشکراوە، ئەو کارتانە لەناو جانتایەکدا شاردراونەتەوە کە پڕ بووە لە پارە بە مەبەستی بەقاچاغبردنی بۆ دەرەوەی وڵات و ئەو بڕە پارەیەش لەو وڵاتانەی کە بەنیازە گەشتیان بۆ بکات رابکێشێت.
دەستەی دەروازەکان دەڵێت، تۆمەتبارەکە ئێستا رادەستی پۆلیس کراوە و کارتەکانیش بۆ لێکۆڵینەوە رەوانە کراون.
