هێرشێکی بەرفراوانی ئەلیکترۆنی کرایە سەری کۆمەڵێک فڕۆکەخانەی گەورەی ئەوروپا و بەهۆیەوە چەندین گەشت دواخران و هەڵوەشێندرانەوە.
ئاژانسی رۆیتەرزی بەریتانی رایگەیاند، هێرشێکی گەورە و بەرفراوانی ئەلیکترۆنی کراوەتە سەر سیستمەکانی پشکنین و بارکردنی کۆمەڵێک فڕۆکەخانەی گەورە لە ئەوروپا وەک فڕۆکەخانەکانی لەندەن، بڕۆکسل و بەرلین، بەهۆیەوە کێشەی تەکنیکی لەو فڕۆکەخانانەدا دروستبوون.
ئاماژەی بەوەشکرد، بەهۆی هێرشەکانەوە چەندین گەشت دواکەوتوون یان هەڵوەشاونەتەوە، کێشەشیان بۆ چەندین فڕۆکە دروستکردووە کە هێشتا لە ئاسماندان.
