سەرۆك وەزیرانی تایوان مانۆڕە سەربازییەكانی چین بە هۆكاری تێكدانی ئاشتی و سەقامگیریی هەرێمایەتی ناودەبات و داوا لە وڵاتە دەكات ڕایبگرێت.
سۆ تیسنگ چانگ سەرۆك وەزیرانی تایوان ڕایگەیاند، چین “خۆبەزلزانین”ی بەكارهێنا بۆ ئەنجامدانی ڕێوشوێنی سەربازی بۆ تێكدانی ئاشتی و سەقامگیریی هەرێمایەتی، وەك ئاماژەیەك بۆ ئەو مانۆڕە سەربازییەی لەلایەن سوپای چین-ەوە بە چەك و تەقەمەنی لە دەوروبەری دوورگەی تایوان ئەنجامیدەدات.
سۆ لە لێدوانێكدا بۆ ڕۆژنامەنووسان داوایشی لە پەكین كرد نمایشی “بازووە سەربازییەكان”ی نەكات و ئیدارەی “دوژمنانی بیانی”یشی كرد كە دەیانەوێت مەعنەویاتی گەلی تایوانی بڕوخێنن.
لای خۆیەوە وەزارەتی بەرگریی تایوان ڕایگەیاند، فڕۆكە و كەشتی ڕەوانەكردووە بۆ “وەڵامدانەوە بەشێوەیەكی گونجاو”ی ڕاهێنانە سەربازییەكانی چین لە نزیك دوورگەكەیان.
مانۆڕە سەربازییەكان بەهۆی ناڕەزایەتییەكانی چین بەرامبەر سەردانەكەی نانسی پیلۆسی سەرۆكی ئەنجومەنی نوێنەرانی ئەمریكا بۆ تایپێ و ڕاستەوخۆ دوای سەردانەكە دەستیانپێكرد.
لای خۆیەوە كۆشكی سپی داوای لە چین كرد مانۆڕەكانی ڕابگرێت.
