بەڕێوەبەرایەتیی بەرگریی شارستانیی سۆران رایدەگەیەنێت، لە گوندی بەرزیوە، ئاژەڵی دڕندە دەوری کۆمەڵێک هاوڵاتیی داوە و مەترسی لەسەر گیانیان دروستبووە.
بەرگریی شارستانیی سۆران لە راگەیەندراوێکدا بڵاویکردەوە، کەمێک پێش ئێستا ئاگادارکراینەوە لەلایەن سێ هاوڵاتیی دانیشتووی پارێزگای هەولێر، کە بەمەبەستی گەشت و سەیران و مانەوە هاتبوونە دەوروبەری گوندی بەرزیوە، لەلایەن ئاژەڵانی دڕندە دەورەدراون و مەترسی لەسەر گیانیان دروستبووە.
ئاماژەی بەوەشکرد، دوو تیم رەوانەی شوێنی مەبەست کراوە بە هاوکاریی تیمی پۆلیسی خۆجێی سنوورەکە، بەمەبەستی هاوکاری و پاراستنی گیانیان، لەئێستادا تیمەکانمان گەیشتوونەتە شوێنی هاوڵاتییەکان.
