بڕیارە رۆژی چوارشەممەی ئەم هەفتەیە ئیمانوێل ماکرۆن سەرۆکی فەرەنسا بە سەردانێکی رەسمی بگاتە شاری بەغداد.
میدیاکانی عێراق بڵاویانکردەوە، رۆژی چوارشەممە ئیمانوێل ماکرۆن سەرۆکی فەرەنسا بە سەردانێکی رەسمی دەگاتە بەغداد و لەلایەن بەرپرسانی باڵای عێراقەوە پێشوازی لێدەکرێت.
ئاشکراشیانکرد، ماکرۆن لە سەردانەکەیدا سەرنج دەخاتە سەر دۆسیە ئەمنی و سەربازییەکان، چاوەڕێدەکرێت چەند گرێبەستێکی فرۆشتنی چەک بە عێراق واژوو بکات، جگە لە چەند گرێبەستێکی ئابووری و وەبەرهێنان.
لە مانگی نیسانی ئەمساڵەوە بڕیاربوو ماکرۆن سەردانی عێراق بکات، بەڵام ئالنگارییەکانی ناوچەکە سەردانەکەیان بۆ ئەم هەفتەیە دواخست.
