ئەمڕۆ 24 ساڵ بەسەر رووداوی 11ی سێپتەمبەردا تێدەپەڕێت.
11ی سێپتەمبەری 2001 رۆژێكی ئاسایی بوو لە ویلایەتە یەكگرتووەكانی ئەمریکا، بەتایبەت كە جۆرج بوش-ی سەرۆكی ئەوكاتەی وڵاتەکە رۆژێك پێشتر راپۆرتی ئەمنیی CIA ی هاوشێوەی راپۆرتەكانی دیكەی وەك FBI ی پێگەیشت و تیایدا ئەوە هاتبوو كە هیچ مەترسییەكی گەورە لەسەر وڵاتە گەورەكەی جیهان و سەرۆكەكەی لەئارادا نییە.
بەڵام راپۆرتە هەواڵگرییەكان و زانیاریی دەزگا ئەمنییەكان هەمووكات دروست نین، بەڵكو رۆژێك دوای ئەو راپۆرتە گەورەترین رووداوی مێژوو لە ئەمریكا و جیهاندا روویدا.
لەبەرەبەیانی 11ی سێپتەمبەری 2001 دا، 19 ئەندامی سەر بە تۆڕێكی قـ.ـاعـ.ـیدە، چوار فڕۆكەی نەفەرهەڵگری ئەمریكایان رفاند و دواتر دوو لە فڕۆكەكان خۆیان بە هەردوو تاوەری ناوەندیی بازرگانیی جیهانی لە نیویۆركدا کێشا.
یەكێك لە فڕۆكەكان خۆی بە بینای (پێنتاگۆن)دا كێشا و فڕۆكەی چوارەمیش لەویلایەتی پێنسیلڤانیا لەلایەن هێزی ئاسمانیی ئەمریكا خرایەخوارەوە.
بە هۆی ئەو هێرشانە نزیكەی سێ هەزار كەس گیانیان لەدەستدا و هەزاران كەسیش برینداربوون.
