کەمێک لەمەوبەر کۆبوونەوەی ئەنجومەنی وەزیرانی عێراق کۆتاییهات و بڕیار لەبارەی بڕی رادەستکراوی نەوتی هەرێم درا.
بەپێی زانیارییەکانی تۆڕی میدیایی ئێستا، “لە کۆبوونەوەی ئەمڕۆی ئەنجومەنی وەزیرانی عێراقدا گفتوگۆ لەبارەی داهاتی نەوتی و نانەوتی هەرێم کراوە، سەبارەت بە داهاتی نەوتی بڕیاردراوە مانگانە بڕی 50 هەزار بەرمیل نەوت بۆ پێداویستی ناوخۆیی گلبدرێتەوە و ئەو بڕەی دەمێنێتەوە رادەستی سۆمۆ بکرێت”.
هەر بەپێی زانیارییەکان، “لە کۆبوونەوەکەدا بڕیاردراوە پرسی داهاتی نانەوتی رەوانەی ئەنجومەنی دەوڵەت بکرێت بە مەبەستی یەکلاکردنەوەی”.
