بەپێی پێشبینییەکانی کەشناسیی هەفتەی داهاتوو لە چەند ناوچەیەکی عێراق و هەرێم باران دەبارێت.
دەستەی کەشناسیی عێراق لە راگەیەندراوێکدا بڵاویکردەوە، پێشبینیدەکرێت هەفتەی داهاتوو لە هەندێک ناوچەی عێراق باران دەبارێت.
کەشناسیی عێراق دەڵێت، بارانبارینەکە هەورە بروسکەشی لەگەڵدا دەبێت و هەروەها خێرایی با زیاددەکات، هاوکات پلەی گەرمی لە خوار 40 پلەی سیلیزییەوە دەبێت لە هەموو ناوچەکان بەتایبەت باکوور و رۆژئاوا.
باس لەوەش دەکات، لە ناوچەکانی باکوور و رۆژئاوا و رۆژهەڵاتی عێراق بارانبارینی پچڕ پچڕ دەبێت و پلەی گەمی کەمێک بەرزدەبێتەوە و خێرایی با زیاددەکات.
