وەزیری دەرەوەی ئێران دووپاتی کردەوە کە ئێران هەرگیز مێزی دانوستانی بەجێنەهێشتووە و ئامادەی گفتوگۆیە.
عەباس عەراقچی، وەزیری دەرەوەی ئێران رایگەیاند، شەڕی 12 رۆژەمان لەگەڵ ئیسرائیل، وانەیەکی گەورە بوو بۆ ئەو وڵاتە، ئەمریکا و هاوپەیمانەکانی دیکەیشیان؛ ئەوان درکیان بەوە کرد کە پرسی ئێران بە رێگەچارەی سەربازی چارەسەرناکرێت، تەنیا رێگەی دیپلۆماسیی دادپەروەرانە لەسەر بنەمای رێزگرتنی یەکتر و پاراستنی بەرژەوەندییە هاوبەشەکان، رێگەچارە دەبێت.
وتیشی، ئێران هەرگیز مێزی دانوستانی بەجێنەهێشتووە و هەمیشە ئامادەبووە بۆ بەشداریی دیالۆگێکی دادپەروەرانە.
ئاماژەی بەوەشدا، “ئەوان دەیانویست دووبەرەکی ناوخۆیی لە ناو گەلی ئێراندا دروستبکەن، بەڵام رووداوەکانی جەنگەکە سەلماندیان کە هەموو گەلی ئێران بەرگرییان لە یەک ناسنامە دەکرد.
