ئەندامێكی ئەنجومەنی نوێنەرانی عێراق سێ داواكارییان پێشكەش بە وەزیری تەندروستیی عێراق كردووە و داوكارییەكەشیان بە رەسمی پەسەند كراوە.
دیلان غەفوور، ئەندامی ئەنجومەنی نوێنەرانی عێراق لە راگەیەندراێكدا بڵاویكردەوە، سێ داواكارییان پێشكەش بە وەزیری تەندروستیی عێراق كردووە لە پێناو خزمەتكردنی زیاتری شاری كەركوك و داواكارییەكەشیان پەسەندكراوە.
ئەو ئەندامای ئەنجومەنی نوێنەرانی عێراق ئاماژەی بەوەشكردووە، داواكارییەكانمان بۆ خزمەتكردنی كەرتی تەندروستیی شاری كەركوكە و لەوانەش دابینكردنی ئامێرێكی تایبەت بە چارەسەركردنی پاشماوەی پزیشكیی بۆ شاری كەركوك
هەروەها، یەكێكی دیكەش لە داواكارییەكانیان دابینكردنی پزیشك و كارمەند بۆ بەشی ژنانی بنكەی تەندروستی قەرەهەنجیر و ههروهها، دابینكردنی ئۆتۆمبێلێكی تایبەت (ئەمبوڵانس) بۆ گواستنەوەی نەخۆش بۆ هەمان بنكە بووە.
