دۆناڵد ترەمپ رایگەیاند، پێویستە حەماس دەستبەجێ سەرجەم دیلە ئیسرائیلییەکان ئازاد بکات و، بە ئازادکردن و رادەستکردنەوەی دیلە ئیسرائیلییەکان دۆخەکە دەگۆڕێت و جەنگ کۆتایی دێت.
دۆناڵد ترەمپ، سەرۆکی ئەمریکا لە بڵاوکراوەیەکدا لە تۆڕی کۆمەڵایەتیی “تروس سۆشیاڵ” رایگەیاند، “بە حەماس بڵێن دەستبەجێ سەرجەم 20 دیلە ئیسرائیلییەکە ئازاد بکات ‘دووان، پێنج یان حەوت نا’ هەموویان، ئەگەر ئەوەبکەن شتەکان دەگۆڕێن، جەنگ کۆتاییدێت”.
مانگی ئازاری ئەمساڵ کۆتاجار بوو کە ترەمپ هۆشداریی لەبارەی ئازادکردنی دیلە ئیسرائیلییەکان بە حەماس دا و، ئەوکات لەسەر پرسی ئاڵوگۆڕ و ئازادکردنی دیلەکان رێککەوتن لەنێوان ئیسرائیل و حەماس ئەنجامدرا.
