پۆلیسی ئیندۆنیزیا دەستگیرکردنی ژنێکی راگەیاند کە چەکی بەرامبەر پاسەوانێکی کۆشکی سەرۆکایەتیی لە جاکارتا بەرزکردووەتەوە و ویستوویەتی داگیری بکات.
فەرماندەی پاسەوانی سەرۆکایەتی ئیندۆنیزیا بڵاویکردەوە، “یەکێک لە پاسەوانەکان تێبینی ئەوەی کردووە ژنێکی نەناسراو لە نزیک خاڵی پشکنینی دەرەوەی کۆشکی سەرۆکایەتییە و گومانی لە رەفتارەکانی کردووە، کاتێک لێی نزیکبووەتەوە ئافرەتەکە چەکی بە روویدا راکێشاوە.
ئاشکراشی کرد، “ژنەکە هەر زوو دەستگیرکراوە و چەکەکەی دەستیشی دەستی بەسەرداگیراوە، هەرچەندە دواتر هەوڵیداوە هەڵبێت بەڵام ئەوەشیان شکستی پێهێنراوە”.
بە وتەی پۆلیسی جاکارتا تا ئێستا ئافرەتەکە لە ژێر لێکۆڵینەوەدایە، تا بزانرێت هۆکارەکەی تیرۆرستییە یان هۆکارێکی کەسییە.
