کالسیۆم یەکێکە لە پێکهاتە گرنگەکانی ئێسکی مرۆڤ کە کەمبوونەوەی لە ئاستی دیاریکراوی خۆیدا چەندین زیان بە جەستە دەگەیەنێت، هاوکات چەند نیشانەیەکیشی دەبێت لەوانەش:
-کێشەی ماسولکەکان، کاتێک ئاستی کالسیۆم لە جەستەدا کەمدەبێتەوە تووشی ئازاری ماسولکە و تەشەنوجات دەبیت لە پەلەکاندا بە تایبەت لە کاتی جوڵە و رۆیشتندا.
-فشەڵبوونی ئێسک، ئێسکەکان کالسیۆمی باش خەزن دەکەن، بەڵام پێویستیان لە ئاستێکی باشی کالسیۆمە، هەر کاتێکیش داببەزێت فشەڵبوونی ئێسک روودەدات و ئەگەری شکانی ئێسک و ئازاری ئێسک زیاددەکات و کە بۆ ماوەی چەند ساڵێک دەمێنێتەوە.
-کێشەی ددانەکان، کەمی کالسیۆم کێشەکانی هەوکردنی پوک، کلۆربوونی ددان، لاوازبوونی رەگی ددان و فشەڵبوونی ددان دروستدەکات.
-کێشەکانی قژ، بە تایبەت هەڵوەرینی قژ، هەرچەندە مەرج نییە هەموو کات پەیوەست بێت بە کەمی کالسیۆم لە جەستەدا.
