هەفتەی داهاتوو دیاردەیەکی گەردوونی روودەدات

هەفتەی داهاتوو دیاردەی مانگگیرانی تەواوەتی روودەدات و لە ئاسمانی عێراق دەبینرێت.

بەپێی ئاماژە گەردوونییەکان، ئێوارەی رۆژی یەکشەممەی داهاتوو دیاردەی گەردوونی مانگگیرانی تەواوەتی روودەدات و ماوەی پێنج کاتژمێر و 27 خولەک دەخایەنێت.

دیاردەکە لە 6:28 خولەکی ئێوارە لە ئاسمانی بەغداد دەستپێدەکات و لە کاتژمێر 8:30 خولەک دەگاتە ئەوپەڕی و لەو کاتەدا مانگ بە رەنگی سوور دەردەکەوێت.

بۆ بینینی دیاردەی مانگگیرانی ئەم جارە بە وتەی شارەزایانی بواری گەردوونی، عێراق باشترین شوێنە.