وەزارەتی دارایی هەرێم بڵاویکردەوە، سێشەممە مووچەی مامۆستایانی گرێبەستی وەزارەتی پەروەردە و رۆژی چوارشەممە مووچەی مامۆستایانی گرێبەستی وەزارەتی خوێندنی باڵا دابەشدەکرێت.
وەزارەتی دارایی و ئابووری هەرێم لە راگەیەندراوێکدا بڵاویکردەوە، سبەینێ سێشەمە هاوکات لەگەڵ دابەشکردنی مووچەی وەزارەتی پەروەردە، مووچەی مانگی حوزەیرانی مامۆستایانی گرێبەستی وەزارەتی پەروەردە لە سەرتاسەری هەرێم دابەشدەکرێت.
ئاشکراشیکرد، رۆژی چوارشەممە لەگەڵ دابەشکردنی مووچەی وەزارەتی خوێندنی باڵا، مووچەی مانگی حوزەیرانی مامۆستایانی گرێبەستی وەزارەتی خوێندنی باڵا دابەش دەکرێت، کە تەمویلەکەیان لەسەر داهاتی ناوخۆ خەرجدەکرێت.
