فەرمانگەی میدیا و زانیاری رایگەیاند، تەمەنی خانەنشینیی زیندانییانی سیاسی تاوەکو تەواوکردنی تەمەنی 65 ساڵی درێژکرایەوە.
فەرمانگەی میدیا و زانیاریی هەرێم، بڵاویکردەوە، بە نووسراوی ژمارە (9804)ی دیوانی ئەنجومەنی وەزیران، رەزامەندی درا لەسەر کارکردن و بەردەوامبوونی ئەو فەرمانبەرانەی زیندانیکراو و گیراوی سیاسین، تاوەکو تەواوکردنی تەمەنی 65 ساڵی.
دەشڵێت، بڕیارەکە، سەرجەم زیندانیکراو و گیراوانی سیاسی لە وەجبەکانی 9تاوەکو 15ی راژە دەگرێتەوە، و مووچەی بەردەوامبوونیان لە راژە لەسەر بودجەی وەزارەتەکانیان بۆ خەرجدەکرێت.
