کەمێک لەمەوبەر لەناو عەلوەی هەولێر کرێکارێکی بەرەگەز عەرەب بە دەستڕێژی گوللە کوژرا.
پەیامنێری تۆڕی میدیایی ئێستا گواستییەوە، نیوەڕۆی ئەمڕۆ لەناو عەلوەی هەولێر دەستڕێژی گوللە لە کەسێک کراوە و دەستبەجێ گیانیلەدەستداوە.
ئاماژەی بەوەشکرد، کەسەکە بەرەگەز عەرەب بووە و تەمەنی نزیکەی 27 ساڵان بووە و لە عەلوەی هەولێر وەک کرێکار کاری کردووە، چوار فیشەکی بەرکەوتووە و تەرمەکەی گواستراوەتەوە بۆ پزیشکی دادی هەولێر.
ئاشکراشیکرد، بەپێی زانیارییە سەرەتاییەکان رووداوەکە بەهۆی کێشەیەکی کۆمەڵایەتییەوە بووە.
