دەستگیرکراوانی خۆپیشاندانەکەی ئەمڕۆی سلێمانی ئازادکران

خۆپیشاندانی ئەمڕۆی هاوڵاتییانی سلێمانی

دوای ئەوەی ئەمڕۆ 3ی کانونی یەکەم هاوشێوەی دوێنێ خۆپیشاندان لە سلێمانی بەردەوام بوو هێزەئەمنییەکان هەندێک لە خۆپیشاندەرانیان دەستگیرکرد و ئێوارەی ئەمڕۆ ئازادکران.

بەپێی زانیارییەکانی تۆڕی میدیایی ئێستا خۆپیشاندەرە دەستگیرکراوەکان لە یەکێک لە بنکەکانی هێزەئەمنییەکان ڕاگیرابوون و دوای چەند کاتژمێرێک بڕیاری ئازادکرانیاندرا و بە پاس گەڕێندرانەوە لای کەس و کاریان.

ئازادکردنی خۆپیشاندەران لە کاتێکدایە ئێوارەی ئەمڕۆ هاوسەرۆکی یەکێتیی نیشتمانیی کوردستان داوای ئازادکردنی خۆپیشاندەرانی کردبوو.

بەیانی ئەمڕۆ کاتێک خۆپیشاندەران خۆیان ئامادە دەکرد لە شەقامی مەولەوی و سالم و سەرای سلێمانی بڕژێنە سەر جادە، بەشێکیان لەلایەن هێزەئەمنییەکانەوە دەستگیرکران.

خۆپیشاندان ئەمڕۆ بۆ ڕۆژی دووەم لە سلێمانی بەردەوامبوو، خۆپیشاندەران داوای دوانەکەوتنی موچە و باشترکردنی دۆخ و گوزەرانی خۆیان دەکرد.

بابەتی پێشتر

باڵیۆزی ئەمریکا لە عێراق لەبارەی کەمکردنەوەی دیپلۆماتکارەکانیان ڕونکردنەوە دەدات

بابەتی دواتر

تەندروستیی هەولێر لەبارەی هەڵکوتانەسەر نەخۆشخانەی ڕزگاری ڕونکردنەوە دەدات

بابەتی پەیوەندیدار
Total
0
Share