پۆلیسی سۆران دەستگیرکردنی کەسێکی بە تۆمەتی دزینی بوتڵی غازی ماڵان راگەیاند.
لە راگەیەندراوێکی بەڕێوەبەرایەتیی پۆلیسی سۆراندا هاتووە، “هاوڵاتییەک بەناوی ( ع . ع . ع ) کە بریکاری غازی ماڵانە ماوەی شەش ساڵە کەسێک بەناوی ( ب . ع . م ) ناسراو بە ( ب ) وەک شوفێری ئۆتۆمبێلی فرۆشتنی غازی ماڵان کاری لا دەکات، بەڵام کرێکارەکە ئەو هەلەی قۆستووەتەوە بە جۆرێک کەوا بوتڵی غازی لە ماڵان وەرگرتووە و پارەشی لێوەرگرتوون و وتوویەتی دواتر بوتڵی غازەکانتان بە پڕ کراوی بۆ دەگەڕێنمەوە”.
ئاماژەی بەوەشکرد، “بەم فێڵە تۆمەتبار زیاتر لە 130 بوتڵی لە ماڵان و بریکارەکەی دزیوە، بۆیە لەلایەن بنکەی پۆلیسی دیاناوە پەڕاوی لێکۆڵینەوەی بۆ کرایەوە و دەستگیرکرا”.
