مەکتەبی سیاسیی یەکێتیی نیشتمانیی کوردستان، بە بۆنەی یادی دامەزراندنی پارتی دیموکراتی کوردستانەوە پەیامێکی پیرۆزبایی بڵاوکردەوە.
مەکتەبی سیاسیی یەکێتیی نیشتمانیی کوردستان، رایگەیاند، بە بۆنەی تێپەڕبوونی 79ساڵ بەسەر دامەزراندنی پارتی دیموكراتی كوردستان، گەرمترین پیرۆزبایی ئاڕاستەی ئێوە و ئەندام و لایەنگرانی پارتی دەكەین.
دەشڵێت، بەم بۆنەیەوە جەخت لەسەر پێویستیی یەكڕیزیی هێزە سیاسییەكانی كوردستان، بە تایبەتیش یەكێتی و پارتی، دەكەینەوە لە پێناوی پێكهێنانی حكومەتێكی پتەو و كارا كە ئەركی چاكسازی و راستكردنەوەی رێڕەوی حوكمڕانی بگرێتە ئەستۆ، لە رێی سەرخستنی ویستی گەلەكەمان لە دابینكردنی ماف و شایستە دەستورییەكانی لە عێراق، بە تایبەتیش مووچە و شایستە داراییەكانیان، لەسەروبەندی هەڵبژاردنی داهاتووی ئەنجومەنی نوێنەراندا.
