بەرەبەیانی ئەمڕۆ چوارشەممە، پاسێکی زیارەتکارانی ئێرانی لەسەر رێگای خێرای ناو قەزای زوبەیر سەر بە پارێزگای بەسڕە، وەرگەڕا.
لە راگەیەندراوێکی بەرگریی شارستانیی زوبەیردا هاتووە، رووداوەکە بووەتە هۆی گیانلەدەستدانی هەشت کەس و برینداربوونی نزیکەی 40 کەسی دیکە؛ ئەوانەی گیانیان لەدەستداوە گواستراونەتەوە بۆ پزیشکی داد و بریندارەکانیش بۆ نەخۆشخانە.
لە راگەیەندراوەکەدا ئاماژە بەوەش کراوە، تیمەکانی فریاگوزاری ئامێری بڕین و کەرەستەی تایبەتمەندیان بەکارهێناوە بۆ گەیشتن بەو کەسانەی لەناو پاسەکەدا گیریانخواردووە و تاوەکو ئێستا چەند کەسێکیان رزگارکراون.
