د. لەتیف رەشید، سەرۆک کۆماری عێراق و محەمەد شیاع سودانی، سەرۆک وەزیرانی عێراق کۆبوونەوە.
بەپێی راگەیەندراوێکی سەرۆکایەتیی کۆماری عێراق، لە کۆبوونەوەکەدا باس لە دوایین پێشهاتەکانی وڵات کراوە و هەردوولا جەختیان لە هەڵوێستی یەکگرتووی هێزە نیشتمانییەکان کردەوە لە پاڵپشتیکردنی بەرنامە و پلانەکانی حکومەت بە ئامانجی گەیشتن بە گەشەپێدان و خۆشگوزەرانی.
هەر بەپێی راگەیەندراوەکە، لە کۆبوونەوەکەدا باسیش لە پرسە ناوچەییەکان و، رۆڵ و هەوڵەکانی عێراق لە چەسپاندنی بناغەکانی ئاسایش و سەقامگیری لە ناوچەکەدا، کراوە.
سەرۆکایەتیی کۆمار دەڵێت، “ئامادەکارییەکان بۆ هەڵبژاردنی داهاتووی ئەنجومەنی نوێنەران و پێویستیی دابینکردنی ئامرازەکان بۆ دەستەبەرکردنی سەرکەوتنی هەڵبژاردنەکە، بەشێوەیەک کە خواستی هاوڵاتییان بەدیبهێنێت، تەوەرێکی دیکەی کۆبوونەوەکە بووە”.
