ئەندامێکی ئەنجومەنی نوێنەرانی عێراق رایدەگەیەنێت، پابەندیی هەرێم بە رێککەوتنەکان و یاسای بودجەوە، کەمە.
د. بڕیار رەشید، ئەندامی ئەنجومەنی نوێنەرانی عێراق لە لێدوانێکدا رایگەیاند، “گرنگە هەنگاوی کرداری لەبارەی چارەسەرکردنی کێشەکان بنرێت و چەندین جار ئەوەمان دووپاتکردووەتەوە کە پێویستە حکومەتی هەرێم پابەندی رێککەوتنەکان و یاسای بودجە ببێت”.
وتیشی، بۆ ئەوەی مووچەی هاوڵاتییانی هەرێم بە بەردەوامی بنێردرێت، پێویستە حکومەتی هەرێم داهاتی نانەوتی و نەوت رادەستی عێراق بکات و، گرنگە ئەو پابەندییانەی لەسەر هەرێمی کوردستانە، وەکو خۆی جێبەجێیان بکات تاوەکو هاوڵاتییان دووچاری گرفت و چاوەڕوانی نەبنەوە.
ئاماژەی بەوەشکرد، پابەندیی هەرێم بە رێککەوتن و یاسای بودجەوە کەمە و دەبوو زۆر بە خێرایی بڕگەکانی یاساکە جێبەجێبکات.
