سەرۆکایەتیی شارەوانیی سلێمانی رایدەگەیەنێت، بەم نزیکانە تیروپشک بۆ دابەشکردنی زەوی دەکرێت.
سەرۆکایەتیی شارەوانیی سلێمانی لە راگەیەندراوێکدا بڵاویکردەوە، “بەردەوامین لە هەوڵدان بۆ تەواوکردنی رێککارەکانی دابەشکردنی زەوی و لە ئێستادا لیژنەی دابەشکردنی زەوی لە قۆناغی کاری وردبینیکردنی فۆڕمی زەوی فەرمانبەراندان کە فەرمانی ئەنجومەنیان هەیە و رێککارە هونەری و ئەندازیاری و یاساییەکانی قۆناغێکی باشی بڕیووە و لە ماوەیەکی نزیکدا رێککارەکانی ئەنجامدانی تیروپشک ئەنجامدەدرێت بە پێی زەوی پێویست بۆ ئەو فەرمانبەرانەی کە ناویان گەڕاوەتەوە و رێککارەکانیان تەواو کردووە”.
داوایشیکرد، “ئەو فەرمانگانەی کە تا ئێستا سەردانیان نەکردووین و نوێنەریان دیاریی نەکردووە و کاری سودمەندنەبوونی فەرمانبەرەکانیان تەواو نەکردووە پەلە بکەن لە تەواوکردنی و ئاگادارکردنەوەمان”.
