بەڕێوەبەری ئاوی سلێمانی رایدەگەیەنێت، شوشتنی ئۆتۆمبێل لەبەردەرگای ماڵان قەدەغەیە، تەنانەت ئەگەر بە ئاوی بیریش ئەنجامبدرێت و هەرکەسێک سەرپێچی بکات سزادەدرێت.
بەختیار تاهیر بەڕێوەبەری ئاوی سلێمانی رایگەیاند، ئاو سامانی نیشتمانییە، جا ئاوی بیر بێت یان ئاوی نیشتمانی بێت، هەرکەسێک بە فیڕۆی بدات و لەبەردەرگا ئۆتۆمبێلی پێبشوات سزا دەدرێت، کە بڕەکەی لە 50 هەزار دینارەوە دەستپێدەکات.
ئاماژەی بەوەشکرد، هەر کەسێک ئامادەنەبوو پارەی سەرپێچییەکەی بدات، دەچێتە سەر هەژماری قەرزی ئاوەکەی.
