بەڕێوەبەرایەتیی هاتوچۆی گەرمیان رایدەگەیەنێت، لە رووداوێکی هاتوچۆدا لە رێگای پشتێنەی شاری کەلار، کەسێک برینداربوو و رەوانەی نەخۆشخانەی فریاکەوتن کرا.
بەڕێوەبەرایەتیی هاتوچۆی گەرمیان لە راگەیەندراوێکدا بڵاویکردەوە، ئەمشەو لە رێگای پشتێنەی شاری کەلار، ماتۆڕسکیلێک و شۆفڵێک پێکیاندادا و لێخوڕی ماتۆڕسکیلەکە، کە لەدایکبووی ساڵی 2005ـە برینداربوو و دواتر گەیەندرایە نەخۆشخانەی فریاکەوتنی شەهید هەژار.
ئاماژەی بەوەشکرد، پاش ئەنجامدانی کاری پێویست، بەهۆی سەختیی برینەکەیەوە رەوانەی سلێمانی کرا.
هاتوچۆی گەرمیان دەشڵێت، لەلایەن تیمی هاتوچۆوە لێکۆڵینەوە لە رووداوەکە دەستیپێکردووە.
