لە ویلایەتە یەکگرتووەکانی ئەمریکا هێلیکۆپتەرێک لە کاتی گواستنەوەی نەخۆشێک بۆ نەخۆشخانە کەوتەخوارەوە.
رووداوەکە لە ویلایەتی نیومەکسیکۆ و لە شاری ئەلبوکێرکی ئەمریکا روویداوە، کاتێک هێلیکۆپتەرەکە لەگەڵ تیمێکی پزیشکیدا نەخۆشێکیان بۆ نەخۆشخانە گواستووەتەوە و لە نزیک فڕۆکەخانەی چینلی کەوتووەتە خوارەوە.
لە رووداوەکەدا تیمە پزیشکییەکە و نەخۆشەکەش کە لە چوار کەس پێکهاتبوون گیانیان لەدەستدا.
تا ئێستا بەرپرسانی ویلایەتەکە هۆکاری رووداوەکەیان ئاشکرانەکردووە.
