بەیانی ئەمڕۆ گەشتیارێک لە رووباری سیروان خنکا و کەمێک لەمەوبەر تەرمەکەی دۆزرایەوە.
ئەمڕۆ یەکشەممە گەشتیارێکی بەرەگەز عەرەب کە لە شاری بەغدادەوە هاتبووە سەیرانگای ژاڵەناو لەسەر رووباری سیروان لەکاتی مەلەکردن لە رووبارەکەدا خنکا.
گەشتیارەکە ناوی عیماد عەباسە و تەمەنی 14 ساڵانە، دوای چەند کاتژمێرێک لە گەڕان بەدوای تەرمەکەیدا توانرا دەربهێنرێتەوە و رەوانەی پزیشکی دادی دەربەندیخان بکرێت.
