دوای ئەو دابەزینەی ئەم هەفتەیە بەخۆیەوە بینی، ئەمڕۆ جارێکی دیکە نرخی زێڕ رووی لە بەرزبوونەوە کرد.
ئەمڕۆ هەینی نرخی یەک ئۆنسە زێڕ لە بازاڕەکانی جیهان بۆ سێ هەزار و 348 دۆلار بەرزبووەوە.
بەرزبوونەوەی نرخی زێڕ هاوکاتە لەگەڵ بڕیارەکەی دۆناڵد ترەمپ بە سەپاندنی باجی گومرگی بەسەر دەیان وڵات و ناوچەی جیهاندا.
لە ئێستادا بازاڕەکانی جیهان چاوەڕێی بڕیاری نوێن لە بانکی ناوەندیی ئەمریکاوە بە گۆڕانکاری لە رێژەی سوودەکانیدا.
چاوەڕێدەکرێت، ئەگەر بانکی ناوەندیی رێژەی سوودەکانی دابەزێنێت، نرخی زێڕ بازێکی گەورەتر بدات.
