لە رووداوێکدا کە لە ئاهەنگی هونەرمەندی میسری محەمەد رەمەزان دروستبوو، کەسێک گیانی لەدەستدا و شەش کەسی دیکە برینداربوون.
رووداوەکە شەوی رابردوو روویداوە، کاتێک هونەرمەند محەمەد رەمەزان لە ناوچەی بۆرتۆ مارینا لە کەناراوی باکوور ئاهەنگێکی سازکرد و لە ناوەراستی ئاهەنگەکەدا یاری ئاگرین تەقێندرا.
رووداوەکە لە ئەنجامی لادانی ئاراستەی یارییە ئاگرینەکان روویداوە و لە ئەنجامدا کەسێک گیانی لەدەستداوە و شەشی دیکەش برینداربوون.
بەپێی میدیا میسرییەکان بەشێک لە بریندارەکان لە ئەنجامی پاڵەپەستۆی دوای رووداوەکە برینداربوون.
