ئەندامێکی خولی پێشووی ئەنجومەنی نوێنەران رایدەگەیەنێت، ئەگەر ئەم رێککەوتنەیی ئێستای هەرێم و بەغداد وەک خۆی جێبەجێبکرێت، رەنگە ساڵی داهاتووش کاری پێبکرێت.
شیروان میرزا، ئەندامی خولی پێشووی ئەنجومەنی نوێنەرانی عێراق رایگەیاند، کۆبوونەوەی ئەمڕۆی ئەنجومەنی وەزیرانی هەرێم گرنگە بۆ بڕیاردان لە ناردنی داهاتی نانەوتی، هەروەها زانینی ئەوەی کە ئەو بڕە نەوتەی ئێستا لە کێڵگە نەوتییەکان بەرهەمدەهێندرێت گەیشتووەتە چەند و بیدەنە کۆمپانیای سۆمۆ، چونکە ئەوە مەرجی بەغدادە بۆ ناردنی مووچە.
وتیشی، رێککەوتنی هەرێم و بەغداد ئەگەر وەک خۆی جێبەجێبکرێت، رەنگە ساڵی داهاتووش کار بە هەمان رێککەوتن بکرێت، بەڵام ئەگەر داهاتی نانەوتی رادەست نەکرێت و نەوت هەناردە نەکرێت، مووچە گرفتی بۆ دروستدەبێت.
