کەشناسیی هەرێم: پلەی گەرمی زیاتر دادەبەزێت

کەشناسیی هەرێمی کوردستان رایدەگەیەنێت، ئەمڕۆ و سبەی پلەی گەرمی لە ناوچەکانی هەرێم زیاتر دادەبەزێت.

بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان بڵاویکردەوە، ئەمڕۆ چوارشەممە، ئاسمان ساماڵ و پەڵەهەور دەبێت، لەگەڵ ئەگەرى بەرزبوونەوەى تۆزیکى کەم و دابەزینى پلەى گەرمی.

ئاماژەی بەوەشکرد، پلەی گەرمی بە (3-5) پلە بەراورد بە تۆمارکراوەکانی دوێنێ، دادەبەزێت.

کەشناسیی هەرێم دەشڵێت، سبەى پێنجشەممە، ئاسمان ساماڵ و پەڵەهەور دەبێت، لەگەڵ ئەگەرى بەرزبوونەوەى تۆزیکى کەم؛ پلەی گەرمییش بەگشتی نزیکدەبێتەوە لە تۆمارکراوەکانی ئەمڕۆ.

پلەی گەرمیی پێشبینیکراو:

هەولێر :  45 پلەی سیلیزی

سلێمانی : 44 پلەی سیلیزی

دهۆک :  44  پلەی سیلیزی

کەرکوک : 46 پلەی سیلیزی

زاخۆ  :  45 پلەی سیلیزی

هەڵەبجە : 45 پلەی سیلیزی

سۆران :  43 پلەی سیلیزی

حاجی ئۆمەران : 34 پلەی سیلیزی

گەرمیان 46 پلەی سیلیزی