ئەمڕۆ ئەنجومەنی وەزیرانی هەرێمی کوردستان کۆدەبێتەوە و تاوتوێی چەند پرسێک دەکات.
چاوەڕواندەکرێت لە کۆبوونەوەکەدا، باس لە مووچەی مانگەکانی شەش و حەوتی مووچەخۆرانی هەرێمی کوردستان و، پرسی دەستپێکردنەوەی هەناردەکردنی نەوت بکرێت.
لە سەرەتای مانگی هەشت نزیکدەبینەوە و تاوەکو ئێستا، مووچەی مانگی شەشی مووچەخۆران نەنێردراوە؛ بە وتەی غەریب ئەحمەد، ئەندامی ئەنجومەنی نوێنەران، وردبینیی لیستی مووچەی مانگی شەش لەلایەن بەغدادەوە تەواوبووە.
