سێ یەكەمەكان و هەڵگرانی بڕوانامەی باڵای زانكۆ حكومییەكانی هەرێم كە دانیشتووانی پارێزگاكانی دەرەوەی هەرێمن سەبارەت بە دامەزراندن ئاگاداردەكرێنەوە.
فارس عیسا، سەرۆكی نوێنەرایەتیی حكومەتی هەرێم رایگەیاند، سەبارەت بە پرسی دامەزراندنی سێ یەكەمەكان و هەڵگرانی بڕوانامە باڵاكانی زانكۆ حكومییەكانی هەرێمی كوردستان كە دانیشتووانی پارێزگاكانی دەرەوەی هەرێمن، ئێوارەی ئەمڕۆ لینكی ناردنی داتاكان درایە وەزارەتی خوێندنی باڵای حكومەتی هەرێم و دەتوانن سەردانی زانكۆكانتان بكەن بۆ پڕكردنەوەی فۆڕمی ئامادەكراو.
دەشڵێت، “هیوادارم قەرەباڵغی دروستنەكرێت و كاتی زۆر لە بەردەمتان هەیە بۆ پڕكردنەوەی فۆڕم و لە رێگای تۆماری زانكۆكانەوە راستەوخۆ داتاكان دەنێردرێن بۆ ئەنجومەنی راژەی گشتی فیدراڵی”.
