نووسینگەی راگەیاندنی نووری مالیکی، سەرۆکی هاوپەیمانیی دەوڵەتی یاسا روونکردنەوەیەکی لەبارەی دەنگۆی گواستنەوەی ناوبراو بۆ نەخۆشخانە بەهۆی جەڵتەی دڵەوە، بڵاوکردەوە.
لە روونکردنەوەکەدا هاتووە، سەرلەبەیانی ئەمڕۆ، نوری مالیکی لە نەخۆشخانەی ئیبن بیتار، لە چوارچێوەی بەدواداچوونی بەردەوام بۆ دۆخی تەندروستی، پشکنینی پزیشکیی بۆ ئەنجامدرا.
نیوەڕۆی ئەمڕۆ، دەنگۆی گواستنەوەی نوری مالیکی بۆ نەخۆشخانە بەهۆی جەڵتەی دڵەوە بڵاوبووەوە؛ سەرەڕای ئەوەی بەشێک لە میدیا عێراقییەکان ئەم هەواڵە بە راست دەزانن، بەڵام نووسینگەکەی سەرلەبەری ئەو باسانە رەتدەکاتەوە.
