ئەندامێکی ئەنجومەنی نوێنەرانی عێراق رایدەگەیەنێت، عێراق کێشەی لە دابەشکردنی مووچەی مووچەخۆران بۆ دروستنابێت و ئەو دەنگۆیانەی لەو بارەیەوە بڵاوکراونەتەوە دوورن لە راستییەوە.
دارا سێکانیانی ئەندامی ئەنجومەنی نوێنەرانی عێراق بە تۆڕی میدیایی ئێستای راگەیاند، لە عێراق دابەشکردنی مووچە لە رێگای هەژماری بانکییەوەیە، بۆیە ئەو دەنگۆیانەی لەبارەی کێشەی کەمی سیولە و دروستبوونی گرفت بۆ دابەشکردنی مووچە دەدەن دوورن لە راستییەوە.
ئاماژەی بەوەشکرد، سەبارەت بە مووچەی هەرێمیش تەنها پەیوەندی بە جێبەجێکردنی رێککەوتنی نێوان هەرێم و بەغدادەوە هەیە، هەرێم پابەندبێت بە دڵنیاییەوە مووچەی مانگی شەش رەوانەدەکرێت.
