وتەبێژی بەرگریی شارستانیی هەرێم، رایگەیاند، لە حەوت مانگدا 32 حاڵەتی خنکان تۆمارکراون.
سەرکەوت کاڕەش، وتەبێژی بەرگریی شارستانیی هەرێمی کوردستان، رایگەیاند، لە سەرەتای ئەمساڵەوە تاوەکو ئێستا 32 حاڵەتی خنکان لە هەرێمی کوردستان تۆمارکراون.
وتیشی، زۆرترین حاڵەتی خنکان لە سنووری پارێزگای هەولێر تۆمارکراوە کە 11 حاڵەت بووە.
باسی لەوەشکرد، هاوڵاتییان پابەندی رێنماییەکان نابن لەکاتێکدا لە نزیک رووبار، زێ و چەمەکان بە هەرسێ زمانی کوردی، عەرەبی و ئینگلیزی، هاوڵاتییان و گەشتیاران ئاگادارکراونەتەوە لەوەی مەلەکردن قەدەغەیە.
