بەمەبەستی کۆتاییهێنان بە شەڕی ئۆکرانیا، ئەمڕۆ گەڕێکی دیکەی دانوستانی ئاشتی لە تورکیا بەڕێوەدەچێت.
بڕیارە ئەمڕۆ چوارشەممە گەڕی سێیەمی دانوستانەکانی نێوان ئۆکرانیان و روسیا لە شاری ئیستانبوڵی تورکیا بەڕێوەبچێت.
ڤۆلۆدمێر زلێنسکی سەرۆکی ئۆکرانیا لە کۆبوونەوەی لەگەڵ دیپلۆماتکارانی وڵاتەکەی راگەیاند، لە دانوستانەکانی ئەمڕۆ سەرنج دەخەنە سەر گەڕانەوەی دیلەکانی جەنگ و منداڵە رفێندراوەکانی ئۆکرانیا، جەخت لە کۆبوونەوەیەک لە ئاستی سەرۆکایەتیی هەردوو وڵات دەکاتەوە.
لای خۆیەوە، دیمتری بیسکۆف وتەبێژی کرملین رایگەیاند، هەوڵی جدییان پێویستە بۆ گەیشتن بە ئاگربەست.
