سەرۆك وەزیرانی عێراق داوا لە حكومەتی هەرێم دەكات پابەندییە داراییەكانی جێبەجێبكات و تاوەكو وەزارەتی دارایی عێراق بەردەوامدەبێت لە ناردنی شایستە داراییەكان.
بەگوێرەی راگەیەندراوێكی نووسینگەی محەمەد شیاع سودانی، سەرۆك وەزیرانی عێراق لە كۆبوونەوەی ئەمڕۆی ئەنجومەنی وەزیراندا باس چارەسەركردنی پرسە داراییەكان لەگەڵ هەرێمی كوردستان كراوە.
ئاماژە بۆ ئەوەش كراوە، سودانی داوا لە حكومەتی هەرێم دەكات پابەندییە داراییەكانی سەرشانی بەپێی یاسا و دەستوور جێبەجێبكات تاوەكو وەزارەتی دارایی عێراق بەردەوامدەبێت لە ناردنی شایستە داراییەكان.
جێی ئاماژە بۆ كردنە، ئەمڕۆ وەزارەتی دارایی عێراق لە راگەیەندراوێكدا بڵاویكردەوە كە دەستیان بە خەرجكردنی مووچەی مانگی پێنجی مووچەخۆرانی هەرێمی كوردستان كردووە.
