لە ئاگادارینامەیەكدا كە ئەمڕۆ دووشەممە بڵاویكردەوە، هاتوچۆی گشتی لە هەولێر شۆفێران لە سزایەك ئاگاداردەكاتەوە.
فازڵ حاجی وتەبێژی بەڕێوەبەرایەتیی گشتیی هاتوچۆی هەولێر دەڵێت، “سەرجەم شۆفێرانی بەڕێزمان ئاگاداردەکەینەوە کە دەستکاریکردنی گڵۆپەکانی پێشەوە و دواوەی ئۆتۆمبێل و گۆڕینیان بە گڵۆپی (زینۆن، لید) بە هەموو جۆرەکانیانەوە، کە کاریگەریی هەبێت لەسەر چاوی شوفێرانی تر قەدەغەیە”.
بەڕێوەبەرایەتیی گشتیی هاتوچۆی هەولێر لە رێگەی بەشی راگەیاندن و وتەبێژەكەیەوە جەختیكردووەتەوە، “لەلایەن مەفرەزەکانی هاتوچۆ و ئەفسەرانی هاتوچۆوە، راستەوخۆ سزا بۆ هەر شۆفێرێک تۆماردەکرێت کە سەرپێچی بکات و ئەو جۆرە گڵۆپانە بۆ ئۆتۆمبێلەكەی دابنێت”.
