دەستەی کەشناسیی عێراق بڵاویکردەوە، بومەلەرزەیەک لە پارێزگای سلێمانی روویدا و هیچ زیانێکی بەدواوە نەبووە.
دەستەی کەشناسی و بومەلەرزەزانیی عێراق بڵاویکردەوە، بومەلەرزەیەک بە گوڕی 3.2 پلە بە پێوەری رێختەر لە دووری 25 کیلۆمەتر لە پارێزگای سلێمانی روویداوە.
ئاماژەی بەوەشکرد، بومەلەرزەکە لەلایەن بەشێک لە هاوڵاتییانەوە هەستیپێکراوە، بەڵام هیچ زیانێکی بەدواوە نەبووە.
