ئەنجومەنی باڵای دادوەریی عێراق ئاماری هاوسەرگیری و جیابوونەوەی هاوسەرانی لە وڵاتەکە، بۆ مانگی حوزەیران بڵاوکردەوە.
بەپێی ئامارەکە، لە ماوەی مانگی حوزەیراندا و لە پارێزگاکانی عێراق و کەرکوک، 28 هەزار و 222 هاوسەرگیری و، پێنج هەزار و 28 حاڵەتی جیابوونەوە تۆمارکراوە.
لە ئامارەکەدا هاتووە، زۆرترین هاوسەرگیری لە بەغداد/ رەسافە تۆمارکراوە کە چوار هەزار و 766 هاوسەرگیرییە؛ زۆرترین حاڵەتی جیابوونەوەش لە بەغداد/ کەرخ تۆمارکراوە، کە 921 حاڵەتە.
