وەزارەتی سامانە سروشتییەكانی هەرێم رایدەگەیەنێت، لە رێگای دوو درۆنی بۆمبڕێژكراو هێرشكرایە سەر كێڵگەی نەوتی خورمەڵە لە پارێزگای هەولێر.
بەپێی راگەیەندراوێكی وەزارەتی سامانە سروشتییەكانی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، ئێوارەی رۆژی دووشەممە لە كاتژمێر 8:20 و 8:25 خولەكی ئێوارە لە ڕێگای دوو درۆنی بۆمبڕێژكراو هێرشكرایە سەر كێڵگەی نەوتی خورمەڵە لە پارێزگای هەولێر.
لە راگەیەندراوەكەدا هاتووە، هێرشەكە هیچ زیانێكی گیانی نەبووە و تەنها زیانی بە بۆرییەكانی ئاوی وێستگەكە گەیاندووە و وەزارەتی سامانە سروشتییەكان ئەم جۆرە هێرشانە بۆ سەر ژێرخانی ئابوریی هەرێمی كوردستان شەرمەزار دەكات.
