وتەبێژی كۆمسیۆنی هەڵبژاردن دەڵێت، كاتژمێر 12ی ئەمشەو دوا وادەیە بۆ وەرگرتنی ناوی كاندیدانی لیست و هاوپەیمانێتییەكان بۆ بەشداریكردن لە هەڵبژاردنی پەرلەمانی كوردستان.
جومانە غەلای، وتەبێژی كۆمسیۆنی باڵای سەربەخۆی هەڵبژاردنەكان بە تۆڕی میدیایی ئێستای راگەیاند، كۆمسیۆن لەڕێی نووسینگەكانیەوە لە پارێزگاكانی هەرێم بەردەوام دەبێت لە وەرگرتنی لیستی ناوی كاندیدی لایەنەكان تا كاتژمێر 12ی ئەمشەو.
وتیشی، “12ی ئەمشەو دوا وادەی وەرگرتنی ناوی كاندیدی لایەنەكانە”.
پێشتر كۆمسیۆن تا كاتژمێر 2ی پاش نیوەڕۆی ئەمڕۆی وەك دوا وادەی وەرگرتنی لیستی ناوی كاندیدەكان دیاریكردبوو.
